海外置業丨Jarvis趁日圓低位日本置業　周奕瑋7位數購入300呎單位做民宿

周奕瑋（Jarvis）被封為日本旅遊達人，這位日本通趁日圓創新低入市，早前於日本大阪置業，男人40的他首度榮升業主！

今日（4月24日），Jarvis於社交網透露想分享一個重大決定，他難掩興奮說：「我吸咗啖氣、再的起心肝、然後簽咗個名，係簽買賣合約嘅名，各位，我做業主喇！我喺大阪做業主喇！！」

最佳主持丨周奕瑋麥美恩獲娛樂新聞台元祖成員慶祝　Jarvis開心見到這位昔日拍檔

▲ 周奕瑋用7位數字大阪置業。（取自instagram）

趁日圓低位入市

Jarvis稱今次是其人生第一次買樓，亦未有考慮太耐，可謂天時地利人和配合：「今時啲Yen真係好平，而家買真係抵好多。」

原本心齋橋南船場的文青區是Jarvis心水，惟首次置業金額有限，最後他挑選交通跟生活方便的大阪西區一帶、大正駅附近，貪這裡環境夠Chill。

除了日圓低位外，早前Jarvis拍攝節目《買大阪樓15識》，亦啟法他於日本置業。

以前我只係會用工作／旅行嘅角度睇呢個地方，
對金錢嘅諗法亦比較保守，
凈係會諗住做住同一件事，努力做嘢儲錢。
但今次，算係跳出呢個固有諗法，
做演藝工作嘅同時，
都學吓搵啲被動收入。
話時話，無諗過連投資置業呢方面，
自己嘅選擇都係同日本有關

▼點擊圖片放大

+7

+6

另外，Jarvis感謝方健儀給予日本置業的意見，不過為了做業主，Jarvis將全部積蓄用作置業。

他寫道：「但係大個仔喇，係時候俾自己試上一層樓，同埋都要諗吓搵啲被動收入嘅，所以嚟緊我會提自己慳啲錢、再努力工作賺錢，出年收樓嗰陣，就可以飛去住吓自己間屋喇」

最新影片推介：吳家樂專訪

計劃物業投資做民宿

Jarvis接受Topick訪問，他透露購入一個賣7位數的300呎單位，而他非一筆過付款，回覆說：「唔係一炮過畀嘅，我俾首期就6位數字，做咗嘢咁多年，先儲到少少首期。好彩平時都唔算大使，所以儲咗少少彈藥，見Yen平好啱入市，先鼓起勇氣行動。（會考慮在香港置業？)，香港樓都有留意嘅，不過無咁快買到多一間啦，而家都係要先努力啲做嘢，再儲返多啲彈藥先算~」

Jarvis續稱，物業用作投資之用：「因為有當地管理公司幫我營運民宿，所以佢都有擔保咗一啲回報率，買大阪樓其中嘅原因，係因為同日本其他地方有啲唔同，一年365日都可以出租做民宿，所以放租上會更容易。」

HKET App已全面升級，TOPick為大家推出一系列親子、健康、娛樂、港聞及休閒生活資訊及影片。立即下載︰https://onelink.to/f92q4m

追蹤TOPick Whatsapp頻道睇最新資訊︰http://tinyurl.com/3dtnw8f5